„Носењето политички одлуки без претходна проценка и планирање претставува комар. Сето тоа во крајна линија ѝ оди на рака на катастрофата“, предупреди уште во 2003 година проф. Ivan Babanovski, критикувајќи ги тавтологијата и аматеризмот при носењето на Националната концепција за безбедност и одбрана, оценувајќи го документот како конфузен и изработен од некомпетентни луѓе, кои мислеле дека со повеќе страници и текст ќе достигнат некаков квалитет во Документот…
„Ние најчесто, во нашата пресметка со криминалците, се пресметуваме со извршителите. Никако да отпочнеме војна со нарачателите и да расчистиме со планерите, со оние кои ги организираат и се наредбодавачи на терористичките и криминалните дејства… …Борбата против тероризмот всушност за мене значи борба против организираниот криминал… Тероризмот е самиот врв на организираниот криминал. Тој е најсуптилниот и најразорниот обид на злосторничко делување“, вели тој во интервјуто објавено во „Македонско Сонце“, од 27.6.2003 година..После 21 година, веројатно многумина од оние што го пишувале „концептот“ сѐ уште не сфатиле дека Бабановски бил во право! Кошмарот во кој живееме го потврдува тоа!
