Јаболката се несомнено едно од најкорисните овошја што можеме да ги вклучиме во секојдневната исхрана.
Овие чудесни плодови се карактеризираат со бројни предности:
– Богати се со диетални влакна кои одржуваат чувство на ситост и го поддржуваат здравото варење
– Тие се богати со антиоксиданси, кои можат да помогнат во спречување на разни болести
– Витаминот Ц во нив го зајакнува имунолошкиот систем и не штити од настинки и грип
– Калиумот во јаболката не одржува хидрирани и ни дава енергија
– Содржат и витамини А и Б6
– Јаболкото е идеална опција за лесна, нискокалорична ужина
Но, постои едно важно прашање: кога е вистинското време за консумирање на ова чудесно овошје?
Најлошо време за јаболка е ноќта, кога нашиот метаболизам се забавува и телото се подготвува за одмор. Во овој период нашето тело не може ефикасно да ги разгради хранливите материи од јаболкото, што може да резултира со нивно губење, пишува Крстарица.
Па, зошто утрото е најдобро време за јаболка?
Утрото е совршено време за уживање во јаболка од неколку причини. Покрај тоа што го намалува ризикот од разни болести и помага за одржување на здрава тежина, јадењето јаболка наутро може да не одржува активни во текот на денот. Исто така, нивната висока содржина на влакна помага да се одржи долготрајно чувство на ситост.
Но, внимавајте кога ги јадете!
Иако утрото може да биде идеално време за јаболка, има и други периоди во текот на денот кога треба да бидете внимателни. На пример, јадењето јаболка после вежбање може да биде контрапродуктивно бидејќи телото потоа бара протеини и јаглени хидрати за обновување на мускулите и обновување на енергијата. Наместо тоа, дајте му ги на вашето тело потребните хранливи материи после тренингот.
