Израел постепено го затвора притворниот центар управуван од војската, каде што организациите за човекови права велат дека се злоупотребуваат палестинските затвореници, се вели во соопштението на судските власти, пренесено од агенциите.
Државните правобранители му рекоа на израелскиот Врховен суд дека притворениците во центарот Сде Тејман ќе бидат префрлени во постојани затвори и дека процесот е веќе започнат и ќе биде завршен за неколку недели.
На крајот на минатиот месец, британски Гардијан објави дека е забележан застрашувачкиот однос кон затворениците во центарот.
Тие беа таму, рекоа свиркачите, врзани со лисици на болничките кревети, со врзани очи и принудени да носат пелени.
На еден маж му била ампутирана ногата поради повреди предизвикани од постојано ставање лисици.
Во центарот, кој се наоѓа на триесетина километри од границата со Газа, меѓу другите имало и околу 200 Палестинци од таа територија кои биле затворени во кафези.
