Белгија ќе се заложи за снабдување на Украина со триесет борбени авиони Ф-16, а првите испораки се планирани за оваа година, објави во вторникот новинската агенција Белга, повикувајќи се на министерот за одбрана Хаџа Лахбиб.
Ова беше објавено неколку часа пред украинскиот претседател Володимир Зеленски да се сретне со белгиските власти.
Како што претходно најави белгиската влада, Зеленски ќе потпише безбедносен договор со премиерот Александар Де Кро за време на неговата посета на Белгија во вторник.
Украинскиот лидер бара поголема воена помош од неговите западни сојузници додека неговите трупи се борат да ги задржат руските окупаторски сили.
Украина има потпишано голем број такви договори со западните партнери, кои и ветуваат долгорочна безбедносна помош во форма на оружје и обука за воените сили, пишува Ројтерс.
Зеленски во понеделникот ја посети Шпанија, а според билатералниот договор што го потпиша во Мадрид со шпанскиот премиер Педро Санчез, таа земја во текот на оваа година на Украина ќе и даде воена опрема вредна една милијарда евра.
