Во лизгање на земјиштето во планинската област на Папуа Нова Гвинеја, кое зафати неколку села, се стравува дека загинале повеќе од 100 луѓе, соопштија денеска локалните власти. Катастрофата ја погоди провинцијата Енга, во централниот дел на земјата.
Гувернерот на покраината Петер Ипатас изјави дека се погодени повеќе од шест села, дека има жртви и дека е причинета голема материјална штета.
Жителите на погодената област стравуваат дека повеќе од 100 загинале, но оваа проценка не е официјално потврдена.
Акцијата за спасување е во тек.