Израелскиот весник „Хаарец“ објави дека министерот за одбрана Јоав Галант најавил дека ќе го прошири законот за да им дозволи на израелските доселеници, кои беа протерани за време на планот за раздружување во 2005 година, да се вратат во населбите на окупираниот Западен Брег.
Хаарец објави дека проширениот закон ги вклучува областите каде што се наоѓале населбите Са-Нур, Ганим и Кадим.
Во меѓувреме, екстремно десничарскиот министер за национална безбедност на Израел, Итамар Бен Гвир, го посети комплексот џамија Ал Акса во окупираниот Источен Ерусалим, изјавувајќи дека светото место и припаѓа „само на државата Израел“, пренесува Ал Џезира.
Бен-Гвир рече дека посетата е одговор на „едностраното признавање на независна палестинска држава од три европски земји“.
„Нема да дозволиме ниту прогласување на палестинска држава“, рече тој.
Доселениците се израелски граѓани кои живеат илегално на приватна палестинска земја на окупираниот Западен Брег и Источен Ерусалим. Огромното мнозинство населби се изградени целосно или делумно на приватно палестинско земјиште, пренесува Ал Џезира.
