Излезноста на седумте избирачки места каде денеска се прегласува за парламентарните избори до 9 часот е 7,22%, соопшти Државната изборна комисија.
Оттаму информираат дека од вкупно запишаните 4.514 гласачи гласале 326 гласачи. Во споредба со гласањето на 8 мај, на ова прегласување се забележува зголемена излезеност за 4,07% на овие избирачки места.
Најголема излезност има на избирачкото место во Крушево каде гласале 57 гласачи односно 12,15%, а најмала е излезноста во Долнени на избирачкото место 1470/1 каде до 9 часот гласале 14 гласачи односно 2,22%.
На избирачкото место 2101 во Желино гласал 101 гласач односно излезноста е 10,17%, во избирачкото место 1202 во Крушево гласале 22 гласачи односно 7,38%, на избирачкото место 1272 во Охрид гласале 54 гласачи односно 7,59%, а на второто избирачко место во Долнени со број 1470 гласале 22 гласачи или 3,34%. Во Струга на избирачкото место 1844 излезноста е 7,44% односно гласале 56 гласачи.
Избирачките места, како што информираше ДИК, се отворени во 7 часот наутро.
