Автомобилот бил оставен на паркингот во март 2020 година и оттогаш не му се трага на сопственикот.
Се работи за сино Suzuki Swift оставено на паркингот на аеродромот Њу Плимут во Нов Зеланд од непознато лице. Бидејќи сопственикот до денес не се појавил, управата на аеродромот на чело со директорот Дејвид Скот решила да објави оглас во локалниот весник, се со цел да го поттикне сопственикот да контактира со нив.
Синото Suzuki со регистарски таблички LMP788 беше оставено во месецот кога беше прогласено заклучување во Нов Зеланд, а досега цената на паркирањето се искачи на речиси 8.000 долари. Доколку стои некое време, трошоците за паркирање би можеле да ја надминат вредноста на автомобилот, пренесува Индекс.
Во секој случај, автомобилот е секако нерегистриран, а засега е многу веројатно батеријата да е целосно испразнета, па тамошните медиуми претпоставуваат дека не е во возна состојба. Уште повеќе се изненадени што управата на аеродромот досега не реагирала, а се уште нема одговор од полицијата. „Последната година водевме сопствена истрага, но ништо не дознавме. Се надеваме дека сопственикот ќе ги види информациите во весникот“.
Директорот на аеродромот рече дека приказната вака или онака ќе заврши за неколку недели: „Ако сопственикот не одговори, ќе мораме да го отстраниме во наредните недели“.
