Претседателот на Фудбалската федерација на Македонија, Муамед Сејдини, осомничен е за делење предизборен поткуп во Кичево, во корист на партија на власт, објави Република.
Настанот е пријавен во полиција и во моментот се работи на расчистување на случајот.
„На 7 мај 2024 во 15:10 часот на телефонскиот број 192 добиена е анонимна пријава дека на ул.Раштански пат , ул.Партизански одреди и Влашки пат во Кичево од страна на непознати лица со возила „мерцедес”, „опел мерива” и „ауди” се нуди поткуп од политичка партија. Се преземаат мерки за расчистување на случајот, велат од МВР за Курир.
