56-годишен маж е обвинет за киднапирање и сексуално злоставување на 9-годишно девојче во Најтсбриџ во централен Лондон, пишува Скај њуз.
Исчезнувањето на 9-годишното девојче било пријавено завчера, а мажот бил уапсен откако полицијата го запрела во западниот дел на градот. Во тој момент со него било и малото девојче.
Според првичните сознанија постои сомнение дека мажот се обидел да ја зашемети за да може сексуално да ја злоупотребува.
Тој се наоѓа во притвор и се очекува да се појави на суд на 22 мај.
