Во Белград полицијата запленила 15 килограми марихуана и околу 15.000 таблети екстази и го уапсила С.Р. (41) од главниот град поради сомнение за шверц на дрога, соопштено е денеска.
При претресот на станот, другите простории и автомобилот сопственост на пријавениот, полицијата пронашла и околу половина килограм амфетамин, околу пет литри масло од амфетамин и две ваги за точно мерење, соопшти МВР.
На осомничениот му е одредена мерка притвор до 48 часа и со кривична пријава за неовластено производство и пуштање во промет на дрога ќе биде изведен до надлежното обвинителство.
