Британската принцеза Кејт и принцот Вилијам одлучија да ги „спасат“ своите три деца од љубопитната јавност, внимавајќи како ќе им ја соопштат веста дека нивната мајка има дијагноза за рак, пишува ДејлиМејл. Принцот Вилијам го одведе најстариот син Џорџ на натпревар на неговиот омилен клуб Астон Вила за да го оттргне од проблемите.
Всушност, дијагнозата на Кејт беше причината што присуството на Вилијам и на Џорџ на трибините предизвика толкаво внимание во Велика Британија. Фотографите пробаа да ја уловат радоста на таткото и на синот.
Дејли Мејл пишува:
„Забележливо е колку на момчето го мачи болеста на мајка му, а тоа се гледа и на фотографиите. Џорџ само на момент се израдувал кога Оли Воткинс го постигнал првиот гол на вечерта“.
И додека 41-годишниот принц Вилијам носел кошула преку која облекол елек, 10-годишниот принц Џорџ околу вратот го имал препознатливиот шал на Астон Вила.
