На 6 и 7 април во Скопје ќе се одржи Купот на мултинации за млади пливачи. Вкупно ќе учествуваат 203 пливачи од 16 земји.
Македонскиот тим го претставуваат: Миленковска Неда, Велкова Емилија, Анастасовска Сара, Ставреска Георгина, Неделковски Давид, Илиев Леонел, Селезенев Владимир, Алексовски Михаил, Велковски Никола, Калкус Андреј, Герасимовски Василиј и Јовановски Давид.
После долго време Скопје и Македонија се домаќини на едно големо пливачко натпреварување. Натпреварот ќе се одржи на Олимпискиот базен Центар и воедно преставува генерална проба за Европскиот олимписки фестивал – EYOF кој треба да се одржи во јули 2025 година токму во Скопје.
