Српската полиција речиси ја отфрлила можноста двегодишната Данка Илиќ да била киднапирана, а ја носи во игра можноста девојчето да било продадено од некој од околината, тврди неименуван извор за српски „Информер“.
По објавеното видео од Виена кое сугерира дека Данка била префрлена преку граница со две жени од Романија, српската полиција ја прошири истрагата.
Но, доколку се докаже дека во видеото не се работи за Данка Илиќ, тогаш, според Ивана Стевановиќ од Институтот за криминолошки и социолошки истраги во Србија, станува збор за трговија со луѓе, во овој случај, со цел посвојување, пишува Блиц.
Седми ден се трага по девојчето. Родителите и семејството на Данка одново даваат искази по нови информации од системот „Пронајди ме“.
