Руската вселенска агенција Роскосмос го прекина лансирањето на тројца астронаути кон Меѓународната вселенска станица 20 секунди пред тие да полетат, а членовите на екипажот се безбедни, соопштено е денеска.
Астронаутот Трејси Дајсон од НАСА, Олег Новицки од Роскосмос и Марина Василевскаја од Белорусија требаше да полетаат со руска ракета од станицата за лансирање во Казахстан.
Лансирањето беше прекинато со автоматски безбедносен систем.
Причината за суспензијата не беше објавена, а НАСА објави дека екипажот е безбеден.
