Канје Вест и Бјанка Ценсори каде и да се појават во јавноста ги следат папарацо фотографите.
Скандалозниот пар којшто е на удар на медиумите повеќе од една година, овојпат бил фотографиран на аеродромот во Лос Анџелес. Немало изненадувања, и Бјанка и Канје се појавиле во „интересни модни изданија“.
Бјанка Ценсори била фотографирана пред приватниот авион на аеродромот во Лос Анџелес во проѕирно боди кое целосно ѝ ги откривало градите, носела и црни хулахопки и сандали на пониска потпетица.
Интересно е тоа што и покрај критиките на таткото на Бјанка, на сметка на нејзиното облекување и начинот на живот, со неа овојпат на пат била и нејзината мајка Александрија која првпат во јавноста е фотографирана заедно со својата ќерка.
Канје Вест на аеродромот како и вообичаено носел црно од глава до пети, но популарниот спортски бренд „Адидас“ на неговиот дуксер бил испишан на кирилица.
Месеци наназад се пишуваше дека Канје има строги правила за својата сопруга, поточно правилник што смее да облече, како да се однесува, колку да вежба и наводно не ѝ дозволува да зборува во јавноста, што се покажало како неточно затоа што Бјанка во неколку наврати била снимена како разговара со луѓето во присуство на раперот.
ФОТО: Инстаграм
