Снимките објавени на социјалните мрежи покажуваат луѓе кои трчаат покрај брегот, пливаат брзо и користат чамци за да ги спасат пакетите со помош кои по грешка биле фрлени во морето, пишува Си-Ен-Ен.
Француските и јорданските воени власти соопштија дека работеле заедно за да ја достават оваа помош во Газа.
На снимката се гледаат хаотични сцени на Палестинци кои се обидуваат да добијат помош.
На хуманитарните организации им е сè потешко да достават помош до ранливите во Газа додека Израел продолжува со своите воени операции. Ситуацијата се влошува поради затворањето на преминот Рафа. Израел ја негира одговорноста за ограничената помош за Газа и ги обвинува хуманитарните работници дека се неефикасни во дистрибуцијата на помошта.
ОН наведуваат дека населението во Газа е на работ на глад, а веќе се забележани случаи на изгладнети деца.
