Убиството на 22-годишниот хрватски фудбалер со иницијали А.Р. го потресе Балканот, а сега е објавено и дел од видеото од убиството.
Момчето било избодено на популарното шеталиште „Мазураниќ“ од двајца мажи кои набрзо потоа биле уапсени.
Не помина долго, па се појави видео од тој момент, кое не беше објавено во целост.
Портпаролката на сплитската полиција Жељка Радошевиќ изјави дека две лица се уапсени веднаш откако полицијата била информирана за инцидентот.
Полицијата претходно извести дека 22-годишен маж им подлегнал на повредите во сплитската болница по напад во кој маж го прободел во пределот на градниот кош. Таа додаде дека во службените простории биле донесени неколку лица, од кои двајца се уапсени во врска со убиството.
Во Итната помош пријавиле дека на Итна медицинска помош без витални знаци бил донесен 22-годишен маж со тешка убодна рана во пределот на десниот граден кош. Веднаш почнале со реанимација, но безуспешно, а по 45 минути го прогласиле исходот фатален.
