На 21.02.2024 во 21.40 часот во Штип, полициски службеници од Отсекот за недозволена трговија со дрога и оружје при СВР Штип ги лишиле од слобода К.А.(38) и 20 – годишната Д.О., двајцата од Штип.
При претрес во домот на К.А., извршен со судска наредба, биле пронајдени и одземени прашкаста материја и дигитална вага. Притоа, полициските службеници ги спречиле К.А. и Д.О. да ги прикријат доказите и да фрлат прашкаста материја во лавабо.
Лицата биле задржани во полициска станица и по целосно расчистување и документирање на случајот ќе бидат поднесени соодветни пријави.
