Директорот на Руската надворешна разузнавачка служба Сергеј Наришкин го нарече „морален труп“ рускиот пилот Максим Кузминов, кој пребегна во Украина и беше убиен минатата недела во подземна гаража во Шпанија.
Кузминов во август слета на територијата на Украина со хеликоптер Ми-8, а на 13 февруари неговото тело, со прострелни рани, беше пронајдено во Вилајојоса, во близина на Аликанте, јавува Ројтерс.
„Во Русија е вообичаено да се зборува добро за мртвите или да се каже ништо. Тој предавник и криминалец стана морален труп во моментот кога го испланирал своето валкано злосторство“, рече Наришкин, одговарајќи на прашање за Кузминов, кој живеел во Шпанија со украински пасош, користејќи друго име.
