Протеинот MYC е дел од активноста на здравите клетки, но кога клетките на ракот се развиваат, тој помага да се шири ракот.
Научниците можеби сега нашле начин да го спречат ова. Дел од проблемот во ограничувањето на MYC е тоа што тој е безобличен протеин, кој всушност нема целна структура. Ова им отежнува на лековите ефикасно да го идентификуваат MYC, пишува Science Alert.
Сепак, тим од Универзитетот во Калифорнија, Риверсајд (UCR) успеа да развие пептидно соединение кое може да се поврзе или да комуницира со MYC и да помогне да се врати под контрола.
„MYC е помалку како храна за клетките на ракот, а повеќе како стероид кој промовира брз раст на ракот. Затоа MYC е одговорен за 75 проценти од сите видови на рак“, вели биохемичарот Мин Кју и додава: „Нормално, активноста на MYC е строго контролирана. Во клетките на ракот, тој станува хиперактивен и не е правилно регулиран“.
Истражувачите ги проучувале малите количини на структура што ја има MYC за да изгради библиотека на пептиди кои би можеле да се прикачат на таа структура. Особено еден пептид, NT-B2R, се покажа особено вешт во оневозможувањето на MYC.
Истражувачите користеле култура направена од клетките на ракот на човечкиот мозок во тестовите, а се покажало дека NT-B2R успешно се врзува за MYC, менувајќи го начинот на кој клетките ги регулираат нивните гени и на крајот го намалуваат метаболизмот и пролиферацијата на клетките на ракот.
Се разбира, допрва треба да се спроведат ригорозни човечки тестови, но научниците се оптимисти дека можеби пронашле метод за запирање на еден од начините на кои ракот ги киднапира здравите биолошки процеси за да преживее.
