Во статус на Фејсбук, претседателот на Алијансата за Албанците и кандидат за претседател на опозициската коалиција „Вреди“, Арбен таравари јавно го предизвика Али Ахмети да го прифати предизвикот за претседателската трка.
„Пропагандата на ДУИ, откако ја објавив мојата кандидатура за претседател, некогаш вели дека Али Ахмети ќе се кандидира, некогаш се повлекува … Отворено го поканувам господинот Али Ахмети да се натпреварува со мене и да вие изберете кој најдобро ве застапува!”, напиша Таравари.Oд објавувањето на неговата кандидатура за претседател, некои медиуми блиски до ДУИ еднаш го спомнуваа Бујар Османи како претседателски кандидат, а потоа се повлекоа, по што истите медиуми најавија дека во трката за претседател ќе влезе и Али Ахмети.
Арбен Таравари досега неколкупати го предизвикуваше Али Ахмети да влезе во трката, но неговата покана остана неодговорена.
