Во половина од Бугарија е прогласена епидемија на грип.
Мерките против епидемијата се на сила во дванаесет региони: Бургас, Варна, Велико Трново, Габрово, Пазарџик, Перник, Плевен, Пловдив, Софиско, Смолјан, Шумен и Јамбол, според податоците на Министерството за здравство и регионалните здравствени инспекции.
Мерките против епидемијата вклучуваат суспензија на закажаните медицински консултации за деца и за здрави трудници, на рутинските медицински проверки, а и на задолжителните имунизации и повторни имунизации. Забранети се посетите на болниците и социјалните служби. Ќе се постави „дневен филтер“ на градинките и училиштата за да се забрани приемот на болни деца.
Во областа Хасково е прогласена епидемија на грип од 1 февруари до 5 февруари, но наставата во училиштата продолжува.
Во регионите Софија, Бургас и Плевен, прогласувањето епидемија продолжува.
Во Бургас, прогласувањето епидемија на грип требаше да заврши на 31 јануари, но продолжи до 6 февруари, Од 2 февруари до 6 февруари, училишната настава ќе биде прекината.
Прогласувањето епидемија во областа Софија ќе трае до 7 февруари, а од 1 февруари до 7 февруари училишната настава ќе биде прекината.
Во областа Плевен, прогласувањето епидемија ќе трае до 5 февруари.
Во Бугарија главно циркулираат гриповите од тип А и Б, а пикот на епидемијата се очекува за неколку денови.
