Шефот на украинската воена разузнавачка служба, Кирило Буданов изјави дека очекува руската офанзива на источниот фронт да пропадне до почетокот на пролетта.
Москва минатата есен ги засили своите напади на североисточниот дел на линијата на фронтот, сакајќи да ги опколи утврдените градови како што е Авдивка. Украинската војска соопшти дека спроведува „активна одбрана“.
– Руската офанзива сè уште трае. Некаде на почетокот на пролетта ќе биде целосно исцрпена – рече Буданов.
Тој додаде дека руските сили имаат само „неколку придобивки на некои полиња“ и во близина на градот Авдивка.
