Јапонскиот автомобилски гигант Тојота објави дека ја одложува испораката на 10 модели на возила поради несоодветна сертификација на нивните дизел мотори.
Меѓу тие од кои некои се продаваат во Азија, Европа и на Блискиот Исток, се популарните Hilux, Land Cruiser 300 4×4, Fortuner и LX500d SUV.
Водечкиот светски производител на автомобили беше вмешан во огромен скандал со наместени тестови на неговата подружница Даихатсу, чие производство на возила е суспендирано од декември.
Претходно беше објавено дека за време на тестовите за сертификација, моќта на трите дизел мотори се мери со софтвер различен од оној што се користи за нивно производство, така што вредностите се разликуваа.
Групата вети дека ќе им даде на јапонските власти „детални објаснувања“ за новиот скандал и брзо ќе преземе „соодветна“ акција.
