Дали некогаш сте слушнале за транзиторен исхемичен напад (ТИА)? Познат е и како тивок мозочен удар, а е предизвикан од формирање на згрутчување на крвта што го блокира протокот на крв, известува Американското здружение за мозочен удар.
Симптомите на тивок мозочен удар можат да бидат слични на оние на вистинскиот мозочен удар, но обично се поблаги и се појавуваат повремено и исчезнуваат во рок од 24 часа без трајно оштетување на мозокот, пренесува Net.hr.
Симптоми
– Ненадејно губење на видот или заматен вид
– Ненадејна слабост, вкочанетост на едната страна од телото
– Тешкотии во зборувањето или разбирањето
– Вртоглавица
– Губење на рамнотежа
– Тешка главоболка
Интересно е што овие симптоми често се припишуваат на замор и помалку сериозни состојби, а никој не се сомнева дека може да се работи за „тивок мозочен удар“.
И покрај тоа што симптомите исчезнуваат по 24 часа, неоткриениот тивок мозочен удар е важен предупредувачки знак и укажува на зголемен ризик од идни мозочни удари.
Според истражувањето објавено во списанието „JAMA Neurology“ во 2020 година, интензивната главоболка без никакви претходни симптоми може да биде еден од раните знаци на мозочен удар.
Откако ќе се дијагностицира тивок мозочен удар, се препорачува последователна посета на невролог за да се процени ризикот од иден мозочен удар.
Фактори кои го намалуваат ризикот од мозочен удар:
– Контрола на крвниот притисок
– Избегнување на стресни ситуации
– Редовни здравствени прегледи
– Физичка активност
– Одржување здрава исхрана
– Откажување од пушење
