Одлуката на Судскиот совет, Беса Адеми да остане претседател на Врховниот суд е силен удар врз ДУИ и надеж за граѓаните и правдата во државата, реагираше Европскиот сојуз за промени преку соопштение.
„Свесни сме дека ваквата одлука следува благодарение на тоа што во државата има достоинствени судии кои ја сакаат правдата и покрај огромниот притисок од власта. И како резултат на острата реакција на меѓународниот фактор, но и реакцијата на албанската опозиција. Европскиот сојуз за промени им се заблагодарува на сите дипломатски претставници во нашата земја, кои јавно реагираа против барањето за разрешување на шефицата на Судскиот совет, Беса Адеми, но и на нивната заложба дека правдата надвладее во Северна Македонија. Денеска не успеаја само партиите од власта, нивните судии и оние функционери кои континуирано бараат да го вратат Груевски во Северна Македонија, застарувајќи ги неговите случаи и непрестајно работејќи за спас на Сашо Мијалков“, соопшти ЕСП.
