Македонското државно знаме, како и знамето од Кутлеш (Вергина) се забранети за снимање на Австралија опен, објавуваат групите на Македонците во Австралија на социјалните мрежи.
Организаторот на турнирот на снимателите од Канал 9, кои ги реализираат преносите од првиот гренслем-турнир во годината, им поделил флаери со знамиња кои не треба да бидат снимани доколку се појават на трибините.
На флаерот со инструкции се знамињата на Палестина, Белорусија, Русија, Тајван, Израел и верувале или не – на Македонија. Освен државното знаме на Македонија, забрането е да се снима и знамето со 16-кракото сонце, во неговата црвена и сина (грчка) варијанта.
Кому во Австралија му пречи македонското знаме? Таму живеат повеќе од 200.000 Македонци по род. По елиминацијата на Лина Ѓорчевска во квалификациите, на турнирот нема ниту еден македонски тенисер. Освен тоа, Република Македонија никогаш не направила ништо неправедно кон Австралија.
За разлика од нашата земја, Палестина и Израел се во војна, Русија е во војна со Украина, Тајван се бори за својата независност со Кина и сѐ уште не е официјално признаенаа држава. Но, Македонија веќе 30 години е членка на ООН, сега е членка и на НАТО и не е во војна со некого.
Со што заслужи нашата земја да се најде во вакво „одбрано“ друштво.
