Српскиот актер Милош Биковиќ е еден од најплатените актери во Русија, а износот којшто го добива од ден на снимањата е неверојатен.
Милош Биковиќ пред два дена стана татко и го доби синот со име Василије, а утре тој го прославува својот 36 роденден.
На социјалните мрежи со цртеж од пар со дете објави дека стана татко, а Никола Ѓуричко му честиташе со зборовите: „Добредојде во клубот, татко!“.
Иако со години го поврзуваа со многу актерки, црногорската адвокатка Ивана Малиќ е жената која му го освои срцето, а парот неодамна се вери.
Ивана е манекенка со потекло од Црна Гора, а дипломирала право. На социјалните мрежи таа не се експонира многу и малку информации се знаат за неа.
Кога имал само шест месеци, родителите на Милош се развеле. Татко му живеел на релација Германија-Србија, а во 2006 година починал. Милош има и 16 години постар брат Михајло којшто се замонашил и станал игумен во манастирот Јовање.
Тој завршил образование во Белградската гимназија. Напоредно одел во училиште за глума кај Неша Ненадовиќ. Тренирал теквондо, аикидо, кошарка и пливање. Завршил Факултет за драмски уметности во класата на професор Драган Петровиќ во 2012 година, па станал асистент по глума на истиот факултет.
Две години подоцна Милош добил можност да игра во рускиот филм „Сунчица“ којшто го снимал Никита Михалков и тука вратите на Милош се отворени кон рускиот пазар.
Денес тој е еден од најпознатите актери во Русија, а се зборува дека Милош заработува околу 2.900 евра од ден за снимање серии и околу 4.300 евра од ден за снимање на игран филм, пренесува „Slobodnaevropa.org“.
Во моментот во киносалите се емитува рускиот филм „Слуга“ каде Милош Биковиќ ја толкува главната улога, истиот ги соборува сите рекорди на гледаност.
