Најмалку 41 лице загина за време на дводневното израелско бомбардирање на градот Кан Јунис на југот на Газа, соопшти палестинската Црвена полумесечина.
Меѓу жртвите има и „раселени лица кои барале засолниште“ во просториите на Црвената полумесечина.
Израелската армија на социјалната платформа „Икс“ објави дека ја „проширува операцијата во областа Кан Јунис“ во јужниот дел на Газа во својата офанзива против Хамас.
Истовремено, растат стравувањата за нова војна на Израел со Либан. Израел се закани дека ќе одговори на честите напади на милитантната група Хезболах на северот на границата со Либан.
„Хезболах во четвртокот повеќепати лансираше ракети врз северен Израел, предизвикувајќи штета во северниот град Кирјат Шмона, додека ИД изврши широки напади во јужен Либан како одговор“, се вели во текстот.
