Заменик-јавниот обвинител на Израел го обвини Министерството за национална безбедност дека незаконски масовно издавало дозволи за оружје на израелски граѓани, пренесува израелскиот весник Хаарец.
Тврдењето следеше по извештаите дека Министерството делегирало неовластени лица, вклучително и пријатели и вработени на министерот за национална безбедност Итамар Бен-Гвир, да издаваат условни дозволи.
За неколку недели, овие „офицери за привремени дозволи“ издадоа стотици илјади дозволи, вклучително и за Израелците кои не ги исполнуваат условите да бидат сопственици на оружје, пишува Хаарец.
„Ова однесување е рецепт за катастрофа. Тие делат оружје како бонбони“, рече висок функционер за безбедност, цитиран од Хаарец.
