Генералниот директор на владината канцеларија за медиуми во Газа вели дека 23 болници не работат поради израелското бомбардирање, пишува Ал Џезира.
Исмаил ал-Тавабта, исто така, нагласи дека здравствениот сектор стигнал до последната фаза на вистински колапс.
Во својата божиќна порака Папата ја осуди „страшната жетва“ на смртни случаи на цивили во Газа: „Децата на жртвите од војната се малите Исусови на денешницата“
Ал-Тавабта изјави за Ал Џезира дека повеќе од 9.000 луѓе починале поради недостиг на пристап до лекување, а тој број веројатно ќе се зголеми бидејќи здравствените установи ќе престанат да работат.
Тој рече дека медицинската помош што пристигнала покрива само 2 отсто од потребите на здравствениот сектор и повика да се испраќаат 1.000 камиони со гориво дневно во енклавата.
Во меѓувреме, Гардијан пренесува дека Министерството за здравство во Газа соопштило дека од 7 октомври во израелските напади во Газа загинале 20.674 луѓе, а 54.536 се повредени.
Министерството додаде дека во последните 24 часа загинале 250 Палестинци, а 500 се повредени.
