Поранешниот директор на Онкологија д-р Никола Васев доби ослободителна пресуда за предметот во кој беше обвинет за несовесно работење во службата.
Тој и уште двајца лекари од Клиниката за онкологија – Игор Стојковски и Марија Симонова, беа обвинети дека неколку месеци на пациентот Томо Ристовски не му давале терапија, а потоа тој починал. Предметот го покрена семејството на пациентот.
Судењето за овој случај почна во 2021 голдина, а Кривичниот суд во Скопје за сите тројца изрече ослободителна пресуда.
Според пресудата, не се докажало дека Васев и неговите колеги постапувале несовесно.
Обвинителството најави жалба бидејќи смета дека поседува докази кои укажувале на несовесно работење.
Ослободителната пресуда доаѓа кратко откао собраниската Анкетна комисија за Онкологија повика на одговорност кај Васев заради сомнеж дека дел од пациенетите добивале физиолошки раствор, а терапијата наменета за нив се продавала на црно.
