Професорот од машинско училиште во Загреб кој се степа со свој ученик ќе биде обвинет за три кривични дела, а хрватската полиција денеска изјавила дека со повреди од тепачката се здобиле и 61-годишниот професор и ученикот. Инцидентот крена прашина во јавноста во регионот откако се дозна дека професорот одредено време претходно бил провоциран со тоа што бил нарекуван „четнички војвода“, а дополнително тој имал тешка состојба со четири загинати лица во неговата поблиска фамилија, но одлучил да оди на боледување.
Кривичните дела кои му се припишуваат на професорот е нанесување тешка телесна повреда врз малолетни ученици, телесна повреда и повреда на правата на децата, дознава Индекс.
Хрватската полиција не одговорила на прашањето на Индекс дали професорот бил пијан, но хрватскиот министер за образование Радован Фукс во изјава повторил дека професорот бил во алкохолизирана состојба и рекол дека според него, тоа е за секаква осуда.
– И јас пијам алкохол, на наставникот му е место во училиштето, ваков настан е за осуда во секој поглед. Училиштето постапило согласно процедурата и не направило никаква грешка. Тие денеска побараа Министерството да испрати кризен тим од психолози кои дополнително ќе работат со студентите и секако тоа го направивме. Други истражни дејствија, кој бил прв, а кој кого удрил втор, тоа не можеме да го оцениме – изјавил министерот.
Тој рече дека отказот на професорот е соодветна мерка. Директорката на училиштето потврдила дека професорот ќе добие отказ, но не одговорила на прашањето на Индекс дали учениците кои го провоцирале професорот ќе подлежат на некакви мерки или укор.
– Во наведениот случај училиштето постапило согласно протоколите, за настанот ги известило сите надлежни институции, вклучително и полицијата, а нивните акции се во тек. Сепак, не можеме да откриеме детали за случајот и нивните постапки. Силно ја осудуваме секоја форма на насилство и веруваме дека насилството нема оправдување, без оглед на околностите. Како резултат на наведеното, започната е постапка за откажување на договорот за работа на споменатиот наставник, изјави Босиљка Галениќ – изјавила таа.
На видеото кое вчера се појави на социјалните мрежи можеше да се види како
ученик му приоѓа на професорот, а некој од клупата го снима. На снимката, која очигледно ја направиле студентите, се слуша џагор и мрморење, како разговараат студентите додека професорот седи на масата. Ученик му приоѓа одблиску на професорот со мобилен телефон во рацете, а професорот се обидува да го оттргне од себеси. Ова резултира со тепачка пред таблата.
По почетокот на конфликтот, во еден момент професорот завршува со грбот потпрен на комодата од која зема предмет и со него го удира ученикот по главата. Професорот паѓа на земја. Откако ќе стане, ученикот го турка кон телевизорот и наставникот повторно се обидува да го удри со предметот. Тука се вмешуваат уште двајца студенти, фаќајќи му ја раката на професорот, а еден од нив го турка студентот кој се судрил со него врз професорот.
По неколку секунди успева да им побегне, зема уште еден предмет од комодата и уште еднаш го удира ученикот. Во тој момент се приклучуваат повеќе ученици кои ги одвојуваат наставникот и ученикот и тепачката се смирува.
