Експертите за безбедност на храна предупредуваат дека одредени намирници треба веднаш да се конзумираат, дури и ако се веќе зготвени, за да се избегнат сериозни здравствени проблеми.
Нутриционистот Трејси Бригман истакнува дека иако преостанатата храна генерално може да трае неколку дена доколку се складира правилно, постојат намирници кои се повеќе склони кон раст на бактерии и не се препорачува нивно консумирање, пишува b92.
Еве пет намирници кои можат да му наштетат на вашето здравје доколку не ги јадете веднаш по отворањето или готвењето:
1. Тврдо варени јајца
Ако не ги лупите тврдо варените јајца непосредно пред консумирање, бактериите лесно можат да навлезат низ порите на јајцето, зголемувајќи го ризикот од листериоза.
2. Мелено месо
Меленото месо трае само еден до два дена пред да почне да се расипува, поради можноста од бактериска контаминација при процесот на мелење.
3. Диња
Ова овошје не треба да го чувате во фрижидер повеќе од еден ден, бидејќи на него брзо растат патогени како салмонела и листерија.
4. Сурово пилешко
Живината е склона кон салмонела, а заборавеното пилешко може да стане извор на инфекција и да претставува сериозен ризик по здравјето.
5. Варен ориз
Иако може да отстои со месеци, варениот ориз е подложен на бактерии кои формираат спори на Bacillus cereus, особено ако неправилно се чува на собна температура.
Овие стручни совети нè потсетуваат на важноста од брзото консумирање на одредени намирници со цел да се избегнат потенцијални здравствени проблеми предизвикани од бактериска контаминација.
