Претседателката на Европската комисија, Урсула фон дер Лајен, рече дека е неопходно да се разгледаат „нерамнотежите и разликите“ меѓу Европската унија и Кина.
Фон дер Лајен и претседателот на Европскиот совет, Шарл Мишел, се сретнаа со кинескиот претседател Си Џинпинг во Пекинг.
„Кина е најважниот трговски партнер на ЕУ“, рече Фон дер Лејен, додавајќи дека „очигледно постојат нерамнотежи и разлики кои мора да се решат“.
Кинескиот претседател Си Џинпинг повика на „заеднички одговор на глобалните предизвици и заедничка работа на промовирање стабилност и просперитет во светот“.
„Кина и ЕУ треба да бидат партнери во рамките на заемно корисна соработка“, додаде кинескиот претседател, нагласувајќи ја важноста на „политичката доверба“ меѓу партнерите.
Шарл Мишел увери дека ЕУ сака „стабилна и взаемно профитабилна врска со Кина“.
Секако, како што додаде, ЕУ ќе ги промовира европските вредности, вклучително и човековите права и демократијата.
Самитот, прв лице в лице по повеќе од четири години, се одржа во времето на обновувањето на дипломатските односи меѓу Брисел и Пекинг, на крајот на пандемијата „Ковид-19“ што ја изолираше Кина од остатокот од светот.
