Министерството за надворешни работи на Русија изрази благодарност до милитантната палестинска група Хамас по вчерашното ослободувањето на двајцата руски државјани заробени во Газа. Властите велат дека заложниците не биле ослободени како дел од размената меѓу Израел и Хамас, туку како резултат на договор меѓу Русија и милитантната група која му изрази благодарност на Владимир Путин за поддршката.
„Нашите сонародници беа ослободени на 29 ноември во согласност со договорот што го постигнавме со движењето Хамас. Ние сме благодарни на раководството на Хамас за нивната позитивна реакција на нашите упорни барања. Ќе продолжиме да бараме ослободување на другите Руси кои се притворени во Појасот Газа што е можно поскоро“ – соопшти руското министерство за надворешни работи.
