Припадници на Косовските безбедносни сили на своите униформи носеа амблеми со картата на „Голема Албанија“ за време на прослава на 27 ноември – Денот на силите или Денот на косовските безбедносни сили (КБС).
Под амблемите со „Голема Албанија“ пишуваше „Се гордееме со вас“. „Некогаш ОВК сега КБС“, „Нема да се предадеме, живи убијци само ќе поминат преку моето тело“ – пишува на некои од плакатите.
Сите касарни на КБС се отворени за граѓаните – во јужниот дел на Митровица, Гњилане, Призрен, Урошевац, Косово Поле, Исток, како и во Приштина.
Покрај големиот број граѓани кои денеска отишле во касарната „Адем Јашари“ во Приштина за да ја видат опремата на КБС, таму присуствуваа и претседателката Вјоса Османи и премиерот Албин Курти.
Карта на „Голема Албанија“ беше истакната и во музејот во кумановското село Сопот, но таа беше тргната по бурните реакции. Исто така, кога Курти беше во Тетово се вееше знаме на „Голема Албанија“.
