Од денеска во 15 часот, литар еуродизел на пумпите во Србија ќе чини 201 динар, а бензин Еуропремиум БМБ 179 динари, јавува „Блиц Бизнис“.
Така, споредено со цената на горивата од минатата недела, дизелот поевтинува за дополнителни три динари, а цената на бензините е значително намалена.
Цените важат во наредните седум дена.
Цената на нафтата на светските берзи паѓа поради одлуките на ОПЕК
По потврдувањето на веста дека планираниот состанок на земјите од ОПЕК+ во Виена е поместен од викендот на 25 и 26 ноември на 30 ноември, цената на нафтата на почетокот на неделава падна за 4 отсто, јави Танјуг.
Како што пренесува порталот oilprice.com, Саудиска Арабија е незадоволна од нивото на производство на нафта на другите членки на ОПЕК+, што според извори на Блумберг е можна причина за одложување на состанокот.
Прашање е дали некои од земјите на ОПЕК+ ќе бидат подготвени да го намалат производството и со тоа да ги поддржат напорите на Саудиска Арабија да ја подигне цената на нафтата на светскиот пазар, заклучува споменатиот портал.
