Бугарија да го признае македоснкото малцинство и да го почитува правото на самоопределување на Македонците, побара македонската пратеничка Жаклина Пешевска во своето обраќање пред Советот на Европа.
– Во срцето на Европа на седница на Мешовит парламентарен комитет во Европскиот парламент побарав да се признае македонското малцинство во Бугарија, а на националистот Ангел Џамбаски му порачав: Бугарија да го почитува правото на самоопределување и да го прифати историскиот факт дека постои Република Македонија со горд македонски народ, кој зборува на македонски јазик – напиша на својот Фејсбук профил пратеничката Пешевска, која е и претседателка на Унија на жени на ВМРО-ДПМНЕ, заедно со видео снимка од нејзиното обраќање.
