Легендарниот рокер Марк Нофлер (74), поранешен фронтмен на британската рок група „Дајр стрејтс“ (Dire Straits), објави дека следната година на аукција ќе продаде повеќе од 120 гитари и засилувачи од неговата петдецениска кариера.
Британската аукциска куќа „Кристис“ објави дека на 31 јануари ќе ја понуди на аукција гитарата користена за време на снимањето на хитот „Money For Nothing“, а која Нофлер ја свиреше на легендарниот концерт „Лајф ејд“, одржан во 1985 година во Лондон.
Колекцијата на гитари на Марк Нофлер вклучува и бројни инструменти кои музичарот ги користел додека компонирал, снимал или изведувал песни од „Dire Straits“, се вели во најавата на „Кристис“. Меѓу нив се инструментите од Гибсон, Фендер и Мартин, заедно со моделите по нарачка од познатите производители на гитари Руди Пенса и Џон Сур.
„Време е да извадам некои од моите скапоцени придружници со шест жици од нивните футроли и да им дадам нови авантури со нови сопственици“, рече Нофлер во соопштението на аукциската куќа. „Без сомнение, ќе бидам тажен кога ќе ги видам како заминуваат, но поминавме прекрасни времиња заедно и не можам да свирам на сите одеднаш“, додаде тој.
Рокерот ќе донира четвртина од приходите од продажбата на различни добротворни организации, вклучително и британскиот Црвен крст, добротворната организација за диви животни Туск и детската непрофитна организација Храбри срца од западен исток“.
