Полицијата во САД трага по напаѓачот по серијата престрелки во Мемфис, Тенеси, при што вчера беа убиени четири жени, а уште една е во критична состојба.
„Полицајците одговорија на извештајот за пукање на Хауард Драјв околу 21:22 часот. Во текот на истрагата беше утврдено дека овој инцидент е поврзан со уште две престрелки и дека се работи за истиот осомничен“, соопштија од полициската управа во Мемфис, а пренесува ABC News. При три одвоени престрелки убиени се четири жени, информира полицијата.
Полицијата како осомничен го именуваше 52-годишниот Мејвис Кристијан Џуниор, додавајќи дека тој возел бел Шевролет Малибу од 2017 година.
„Ако го видите него или неговото возило, веднаш јавете се на 911“, соопшти полицијата.
Престрелките се истражуваат како инцидент на семејно насилство.
