Британскиот премиер Борис Џонсон ќе добие парична казна за забавите кои ги одржувал со уште 50 лица на познатата улица Даунинг стрит, потврди британската влада, пишува Би-Би-Си.
„Премиерот и министерот за финансии(Риши Сунак) денеска добија известување дека полицијата има намера да им испрати фиксна парична казна“, се вели во соопштението на владата.
„Немаме други детали, но ќе ве известиме кога ќе ги имаме“, се додава.
Забавите кои ги организирал Џонсон ја разнишаа неговата политичка кариера. Тие се случувале од мај 2020 до април 2021, токму кога на сила биле најстрогите мерки за ограничување на движењето во Обединетото Кралство.
