Агенти на американската тајната служба кои ја штитат внуката на американскиот претседател Џозеф Бајден, отвориле оган откако три лица се обиделе да упаднат во возило без ознака на Тајната служба во Вашингтон, соопшти денеска Тајната служба.
Агентите задолжени да ја заштитат Наоми Бајден, внуката на американскиот претседател, биле со неа во населбата Џорџтаун во неделата доцна навечер кога виделе три лица како го кршат скршат прозорецот на паркираниот теренец во кој во тоа време немало никој, изјави за АП неименуван претставник на Тајната служба.
Еден од агентите отворил оган, но во престрелката никој не бил погоден.
Тројцата напаѓачи се видени како бегаат со црвен автомобил, а Тајната служба соопшти дека е во тек потера по нив.
Повеќе од 750 кражби на автомобили и повеќе од 6.000 пријави за украдени возила во поширокото градско подрачје се пријавени во полицијата во Вашингтон оваа година.
