Рускиот претседател Владимир Путин разговараше за ситуацијата на фронтот со своето воено раководство за време на посетата на штабот на Јужниот воен округ во Ростов-на-Дон.
Путин во Ростов на Дон, кој е на помалку од 100 километри од југоисточната граница на Украина, го пречекаа министерот за одбрана Сергеј Шојгу и началникот на Генералштабот Валериј Герасимов.
Кремљ објави дека за време на неговата посета на фронтот, рускиот претседател бил „запознаен со нови видови воена опрема“ и информиран за текот на војната.
Покрај Шојгу и Герасимов, Путин разговарал и со генералот Сергеј Рудској, началник на Главната оперативна управа на Генералштабот, во седиштето на јужната воена група во Ростов.
Путин ја оствари посетата на враќање од патувањето во Казахстан. Минатиот месец тој го посети и воениот штаб во Ростов, каде шефот на платениците на Вагнер, Евгениј Пригожин, во јуни започна неуспешен краткотраен бунт.
