Либанската шиитска милитантна група Хезболах објави кратко видео на социјалните мрежи со порака „Го чекаме петок“.
Во видеото, Хезболах го најавува обраќањето на неговиот лидер Сејед Хасан Насрала, закажано за петок, 3 ноември, на церемонијата во чест на „мачениците кои паднаа на патот кон Ал Кудс“. Во говорот се очекува Насралах да ја објави политичката стратегија што Хезболах ќе ја води во иднина.
Борците на Хезболах постојано ја преземаа одговорноста за нападите врз Израел, кој одговори со бомбардирање на неколку погранични села.
Во соопштението, Хезболах вели дека дејствува во знак на солидарност со палестинската офанзива на Хамас против Израел. Во последните неколку недели, судирите меѓу Хезболах и Израел беа чести. Според последните информации, во тие конфликти досега се убиени седум израелски војници и 47 борци на Хезболах.
