Лука Модриќ го одигра целиот натпревар за својот Реал Мадрид на Брага, беше еден од најдобрите на теренот, а по одличниот настап во Лигата на шампионите, доби специјален подарок.
Компанијата која произведува персонализирани мобилни телефони со помош на луксузни материјали, реши да го изненади хрватскиот капитен. Во Мадрид му испратиле уникатен мобилен телефон, позлатен iPhone 15 со неговите иницијали, број 10 и лого.
Претходно ги изненадија другите светски ѕвезди со позлатени мобилни телефони како Лионел Меси, Килијан Мбапе, Нејмар Винисиус, Кевин Де Брујн, Џек Гралиш и многу други.
Ако сакате сами да имате позлатен мобилен телефон, за тоа ќе треба да издвоите значителна сума која се движи од 3,5 илјади евра па наваму.
Да потсетиме како Лионел Меси по освојувањето на Светското првенство во Катар реши да ја почести целата репрезентација со позлатени мобилни телефони, а за тоа мораше да плати повеќе од 200 илјади евра.
