Русија егзекутира војници кои не ги следат наредбите во нејзината крвава нова офанзива во источна Украина, додека претрпува „значителни“ загуби, нагласи Белата куќа.
– Имаме информации дека руската војска всушност егзекутирала војници кои одбиваат да ги следат наредбите. Имаме информации дека руските команданти се закануваат со егзекуција на цели единици доколку се обидат да се повлечат од украинскиот артилериски оган – изјави на брифинг портпаролот на Советот за национална безбедност, Џон Кирби.
Кирби не даде повеќе детали на прашањето за наводните егзекуции или како САД дошле до информациите.
