Министерот за правда на Црна Гора, Марко Ковач, го одбил барањето на Приштина за екстрадиција на српскиот државјанин М.В.(61), за гонење за воени злосторства врз цивилното население, кој беше уапсен во Црна Гора и се наоѓа во екстрадиционен притвор, дознава РТЦГ од тоа министерство.
Судот утврди дека се исполнети законските услови, но министерот за правда го одби барањето за екстрадиција, бидејќи смета дека е прекршен членот 3 од Европската конвенција за човекови права и основни слободи, јавува РТЦГ.
„Во одлуката на Специјалното обвинителство на Косово за покренување на истрагата не е наведено кои дејствија наводно ги презел М.В, а кои се дел од кривичните дела, туку само се наведува дека по 24 години, Наводно се појавил сведок кој ја препознал неговата слика во албум“, велат извори од Министерството.
Тие наведуваат дека ова не е единствениот случај во кој Приштина бара да им биде предаден српски државјанин за воено злосторство.
„Па, политичкиот момент, односот меѓу Србија и Косово во смисла на немање директна соработка на нивното судство и растечките тензии, кои кулминираат со нешто што упатува на сомнеж дека се работи за политички прогон, а секако се работи за за една постара личност. Констатирано е дека екстрадицијата би претставувала повреда на член 3 од Конвенцијата, а основата и овластувањето за одбивањето произлегува од законот за меѓународна правна помош во кривичната материја и Европската конвенција за екстрадиција, соопшти Министерството.
Во септември црногорската полиција на територијата на Пеќ го уапси М.В.(61), државјанин на Србија, кој е осомничен дека извршил воени злосторства над цивилното население во 1999 година.
