Додека Украинците се фалат со испуканите ракети АТАКМС на територија на Русија и дека уништиле руска артилериска опрема и ракетни фрлачи вредни 25 милиони долари на јужните линии на фронтот, Русите се пофалија со свои успеси.
– Руските сили соборија 24 украински воени авиони за само пет дена – изјави во средата министерот за одбрана Сергеј Шојгу, а за успехот ги обвини „новите системи за оружје“.
Тој рече дека Киев има „сѐ помалку способности“ благодарение на акциите на трупите.
На списокот беа вклучени 14 МиГ-29, два Су-24, еден Су-25 и еден Л-39. Последниот е авион-тренер-борбен авион од чешко производство. Според Министерството, во истиот период бил соборен и еден хеликоптер Ми-8.
„Седум од МиГ-овите се уништени во период од 24 часа“, се вели во извештајот.
Експлозии во Севастопол, „имаме целосна контрола“
Истовремено, Њузвик напиша дека повеќе канали на Телеграм од Крим во вторникот објавиле дека се слушнале експлозии во близината на најголемото пристаниште на полуостровот – и тоа само неколку часа откако украинскиот претседател Володимир Зеленски изјави дека неговите воени сили наскоро ќе имаат целосна контрола на огнот над Крим.
Гувернерот на Севастопол, Михаил Развозаев, потврди дека најмалку една експлозија се случила во регионот.
Во меѓувреме, неколку профили на социјалните мрежи тврдеа дека изворот на експлозиите бил удар на Киев врз рускиот воен аеродром Белбек во близина на Севастопол. Тие извештаи не се потврдени до прес-време.
Институтот за истражување на војната од САД во најновиот извештај дека постои напредок на Украинците во Бахмут и во западно Запорожје.
Руското Министерство за одбрана објави дека Во текот на ноќта запрен е обид на украинските сили да го нападнат регионот Брјанск со четири дронови и дека сите непријателски беспилотни летала биле соборени од системи за противвоздушна одбрана на небото.
Напредувајте 500 метри дневно!
Украинскиот претседател Владимир Зеленски постави застрашувачка задача за својата војска, барајќи од руските сили да земаат најмалку 500 метри територија секој ден.
– На Украина ѝ се потребни резултати секој ден – инсистираше Зеленски во неговото вечерно видео обраќање во неделата.
– Треба да се спротивставиме на руските напади, да ги убиеме окупаторите и да продолжиме напред. Секој ден мораме да напредуваме најмалку еден километар, најмалку 500 метри. Мора да продолжиме да одиме напред за да ги подобриме украинските позиции и да извршиме притисок врз окупаторите – истакна тој.
Целото оружје од светот не стасува?
Белата куќа во петокот објави барање за итни трошоци од 106 милијарди долари, вклучувајќи 61,4 милијарди долари за Киев, 14,3 милијарди долари за Израел и 9,2 милијарди долари за поврзана хуманитарна помош.
Останува неизвесно дали помошта ќе биде изгласана.
Украинскиот министер за стратешки индустрии, Александар Камишин, за Политико изјави дека Западот треба да се милитаризира за да одговори на побарувачката на Киев за оружје и дека треба да се подготви со децении да го снабдува Киев.
– Ако ги соберете сите светски капацитети за производство на оружје, за производство на муниција, тоа нема да биде доволно за оваа војна – оцени Камишин.
Олексиј Арестович, поранешниот советник на украинскиот претседател Зеленски предупреди дека силите на Киев нема да можат да се држат до градот Авдиивка во Доњецк каде што се водат жестоки борби.
